Tuis

Die Van Ewijck-stigting is in Kaapstad gevestig en bevorder al sedert die vroeë 1980’s kulturele bande tussen Nederland en Suid-Afrika.

Doelstellings

Die Van Ewijck-stigting het ten doel om finansiële steun te verleen aan persone en instansies wat hulle daarvoor beywer om kulturele betrekkinge in die ruimste sin tussen Nederland en Suid-Afrika te bevorder.

Nuus

Prestasieprys 2016

Die prestasieprys van R75 000 is in 2016 toegeken aan Daniel Hugo vir sy vele Afrikaanse vertalings uit Nederlands. Ná die bekendmaking het Hugo onder meer gesê:

"Dit bly ‘n saak van verwondering en vreugde dat op eie bodem ‘n organisasie bestaan wat die Nederlandstalige kultuur in Suid-Afrika bevorder. Daarom baie dankie aan die Van Ewijck-Stigting wat help sorg dat die naelstring tussen Afrikaans en Nederlands nie gesny word nie"